Guddoomiyaha Kaaraan oo Faray in la dilo mucaaradka DF

War ninkaan qof waanisa ma helin miyaa? Xasillooni siyaasadeed laguma gaaro hanjabaad iyo weerar. Waddo kasta oo rabshad horseedaysa waa in laga fogaadaa, gaar ahaan marka ay kasoo yeerto mas’uul dowladeed.

Hadalka noocan ah wuxuu dhiirrigelinayaa colaado sokeeye. Dadka xilka haya waa in la xusuusiyo inay ka shaqeeyaan xal, ee aysan noqon dhibaato

Faarax Cadaani waa inuu si cad u raali geliyo shacabka, haddii kale waa in la xil ka qaadaa. Ma jiro qof ka sarreeya sharciga.

@Amed Haddii guryaha dadka mucaaradka ah la weeraro, maxay uga duwanaan doontaa kalitalisnimadii laga kacay? Tani waxay burinaysaa wixii horumar ahaa

War dadka xilka loo dhiibayo wax hala baro: Mucaaradnimadu waa qayb ka mid ah dimoqraadiyadda. In lagu weeraro dadka aragtidooda ka duwan waa fashil ku ah dowladnimo iyo nabad ku wada noolaansho

Sidaas maaha doorkii laga sugayay mas’uul. Wuxuu ku hadalay hadal keeni kara dhiig daadasho. Waa in si degdeg ah loo cambaareeyaa loona qaadaa tallaabo sharci ah.

Waa nasiib darro in mas’uul heer degmo ah uu shacabka ku booriyo rabshad iyo jabinta guryaha dadka. Halkee ka baxday xushmaddii dastuurka iyo xuquuqda muwaadiniinta?

Mas’uul xil haya hadalkiisa wuxuu noqon karaa sabab dagaal ama nabad. Hadalka Faarax Cadaani wuxuu muujinayaa mas’uuliyad darro halis ah. Ma aha mid la aqbali karo

Waa arrin aad u culus in mas’uul heer degmo ah uu ku hadlo hadal dhiirrigelinaya rabshado iyo jebinta xeerarka dalka. Hadalka Guddoomiyaha Kaaraan Faarax Cadaani ee ah “mucaaradka DF ha la weeraro oo guryaha ha loogu galo” wuxuu khatar ku yahay nabadda, xasilloonida bulshada, iyo qaanuunka dalka. Mas’uul kasta oo xil haya waxaa laga rabaa inuu noqdo mid dhexdhexaad ah, xasilooni abuura, kana shaqeeya nabadda iyo wada hadalka, balse hadalkan wuxuu muujinayaa kicin bulsho iyo khalkhal siyaasadeed.

Fikirkayga, hadallada noocan oo kale ah waa in si degdeg ah looga jawaabaa, lagana qaadaa tallaabo sharci ah. Dadka mas’uuliyiinta ah waa in la xusuusiyo in aysan laheyn xorriyad hadal oo meel ka dhac ku ah sharciga iyo xuquuqda muwaadiniinta. Haddii aysan jirin cawaaqib, waxay keeni kartaa in mas’uuliyiinta kale oo badan bilaabaan hadallo ama ficillo lid ku ah dimoqraadiyadda iyo nidaamka dowladnimada.